潮家海鮮酒家 (Closed)

潮家今年我學系去左呢間酒樓搞春茗，包房，有麻雀提供，１０道菜加埋只係＄９８蚊位，真係抵到爛！而房出面都幾旺，７點幾都坐爆哂，證明幾受食客歡迎。我特別想講既係個福建炒飯，飯乾身，唔太硬，而且好有鑊氣，加上個汁濃度適中，個飯不致太乾，做到福建炒飯既基本要求。而蝦都幾彈牙，不過成個飯得兩粒蝦，我真係接受唔到。另外鮑片配生菜就比較難食，Ｄ鮑片有Ｄ腥，汁太鹹，上菜個陣都差唔多凍哂，所以我都幾唔滿意。伊麵太濕，而且都偏鹹，個大廚似乎好鐘意食鹹。而佢既菇絲都幾少，個乾燒伊麵就有Ｄ寡，要我齋啃伊麵。其他菜式都普通，係一般酒樓食到個Ｄ，中規中舉。呢間野最好就係夠平，仲每圍仲十二罐飲品，我地都食到好飽！