佢已經開始注意到我仔細咁影d 野食.
一不小心比佢搵到知我自己係街食D 咩就GG 了...
陪大人買野佢餓要醫肚,
是旦就入左哩間牛牧,
睇睇餐牌,都幾多選擇,
ADB,漢堡,烏冬,港式麵類,
日式飯類,小食,甜品都有,
嘩,見到鵝肝多士好想食,
搵機會自己黎食先.
大人點左蒜子燒牛肉溏心蛋飯,
我就食皮蛋豬潤芫荽麵,
作為荽友,見荽食荽.必然選擇.
荽牛麵一放上枱, 滿滿芫荽係碗上面,
近乎睇唔到d 豬潤同麵,
哩個份量係佢預設份量,我冇叫加荽架.
同時間陣茜味攻上黎, 大力一索,超正!
豬潤有揀過, 新鮮冇渣! 唔粉唔苦,
皮蛋有成隻, 唔姑寒,牛肉係用滑牛,
整體比起深水埗維記, 有種清新既感覺,
最後連湯都飲晒,仲有啲唔夠喉.
大人果碗飯,我見佢食完都冇投訴,
咁即係好ok 啦.
奶茶都幾滑,ok.
