Video
Read full review
2022-08-15
42 views
朋友最近推薦呢間餐廳畀我，話一定會令我好有新鮮感。佢約我喺尖沙咀廣東道等，我心諗，喺嗰度開嘅咪又係啲連鎖店？有咩咁新奇呀？結果我地上咗16樓，一間裝修好似豪宅咁嘅荷蘭餐廳。我無諗過香港有荷蘭菜食，我諗我喺其他地方旅行都未食過荷蘭菜，的確非常新奇，而且原來佢地好出名食海鮮，令我有點期待。七點去到，我發現地方幾舒適，是晚仲要有人包房，似乎都好多人知呢個係好地方。餐廳由街頭小食到主菜都有得選擇，我地都唔係好識叫，就叫咗個廚師發板。先點左個小食，荷蘭希靈魚配青瓜同洋蔥碎，街頭小食當然要用手成條拎住食，呢個都好新鮮而refreshing 的感覺。食左個幾特別嘅肉腸，呢個用上豬肉同雞肉，同我們經常食的德國腸唔同，無腸衣，中間滿佈沙律醬同埋咖喱醬，口感好特別。食香腸當然要配西班牙檸檬啤酒，呢支啤酒應該好多朋友都試過，最啱配街頭小食。呢個tart係師傅特別推薦，好refreshing，感覺不錯。荷蘭生蠔配上紅酒醋，仲有荷蘭灰蝦嘅蝦頭粉搽上去，又係seasonal dish，好好食。荷蘭鰻魚配沙律醬，廚司用上蜜糖芥茉，鰻魚經橡木煙燻左六個鐘頭，有啲日本刺身都有類似嘅處理，有異曲同工之妙，食落完全唔腥，仲
結果我地上咗16樓，一間裝修好似豪宅咁嘅荷蘭餐廳。
我無諗過香港有荷蘭菜食，我諗我喺其他地方旅行都未食過荷蘭菜，的確非常新奇，而且原來佢地好出名食海鮮，令我有點期待。
七點去到，我發現地方幾舒適，是晚仲要有人包房，似乎都好多人知呢個係好地方。
餐廳由街頭小食到主菜都有得選擇，我地都唔係好識叫，就叫咗個廚師發板。
先點左個小食，荷蘭希靈魚配青瓜同洋蔥碎，街頭小食當然要用手成條拎住食，呢個都好新鮮而refreshing 的感覺。
食左個幾特別嘅肉腸，呢個用上豬肉同雞肉，同我們經常食的德國腸唔同，無腸衣，中間滿佈沙律醬同埋咖喱醬，口感好特別。
食香腸當然要配西班牙檸檬啤酒，呢支啤酒應該好多朋友都試過，最啱配街頭小食。
呢個tart係師傅特別推薦，好refreshing，感覺不錯。
荷蘭生蠔配上紅酒醋，仲有荷蘭灰蝦嘅蝦頭粉搽上去，又係seasonal dish，好好食。
荷蘭鰻魚配沙律醬，廚司用上蜜糖芥茉，鰻魚經橡木煙燻左六個鐘頭，有啲日本刺身都有類似嘅處理，有異曲同工之妙，食落完全唔腥，仲好鮮甜。
野生鰻魚好彈牙，真係好食，比起日本鰻魚飯嘅肉更爽口彈牙，配上日本sake，都幾夾。
主菜係荷蘭鱸魚配荷蘭灰蝦，用海鹽、檸檬汁 、車厘茄、蕃茜油搭配，都幾驚喜。
最尾個蘋果批係好高水準，個酥皮超級鬆軟，啲蘋果蓉唔會太酸亦唔會夾甜，熱辣辣配上凍冰冰嘅雪糕，層次豐富又好味。
成餐飯都食海鮮，仲要咁多魚，啱哂我，多謝朋友推薦。
Post
