小念頭 (億利工業中心)

Open Now

Now Closed

經常見到唔少附近返工人士去幫襯，今次同同事一齊去試，估唔到有驚喜🤩今次嗌左個牛柳粒定食再加小食一隻芝麻雞翼，定食份量都好足夠, 絕對夠男士食。定食包左麵豉湯同金針菇蓋飯，仲可以揀走飯/小飯/多飯。麵豉湯就正常發揮，反而金菇飯同牛柳粒真係喜出望外！牛柳粒好濃牛味，油脂分佈岩岩好，仲提供3種調味料配搭黎食，不過就咁食都已經好好食😍而飯面鋪上蒜蓉金菇好特別，好少係定食會見到咁配搭， 配飯一齊食好夾，唔覺唔覺食左大半碗，好滿足😆同埋值得一讚既係佢擺盤同碗碟都好靚，lunch黎講六七十蚊真係物超所值，絕對會回頭再食！今次好彩walk in仲有位，平時餐廳lunch hour都幾full，想食記得bk枱！