荔枝角D2 Place 大公館邀請雲南昆明著名帕普曼酒店集團旗下食府—「山海壹号」及「上菌山」的餐飲總監及創辦人 —— 歐廷周先生訪港出任客席廚師，由8月20日開始，約一個月限定期間，為大家帶黎雲南滇菜美食。
全新雲南菜menu有超過30個菜式，呢個menu入面可以食到鮮嫩清香既野生菌類，仲有酸辣適中既特色小吃，仲有正宗雲南過橋米線。
𝗪𝗛𝗔𝗧 𝗪𝗘 𝗢𝗥𝗗𝗘𝗥
✨ 琥珀話梅樹蕃茄
橙橙黃黃晶瑩剔透，一啖放入口，層次豐富既味道就撲埋黎
酸甜味道比較多，不過當中仲細分到話梅既獨特酸味同樹蕃茄既清甜味道。
✨ 檸檬撒大理生皮
雲南大理生皮係豬皮，當地人會生食既涼拌豬皮，口感煙韌，味道好清爽。
✨ 時令山珍刺身
係用鮮菊做既刺身呀，真係好似刺身咁點芥末醬油食。
黑色既黑皮雞樅菌，口感爽口彈牙，佢有一種獨特既香味，同芥末醬油好夾。
黃色既新鮮黃耳，比較軟熟爽口，本身味道好香，點一d芥末醬油可以提味。
白色既香格里拉松茸，口感比較硬身，食落爽口d，不過味道唔重，非常建議點醬油食。
最後係淡紅色既普洱魔芋，夾住一片青瓜好似壽司一樣，煙韌既魔芋同爽口既青瓜一齊食，口感唔錯，而且佢本身味道會濃d，可以直接食都得呀。
✨ 石斛花古法汽鍋雞
好耐無飲過咁濃郁既雞湯啦！真係濃郁得黎無油膩感呀！
✨ 酸湯薑柄瓜煮星斑
雲南菜真係好多酸酸地既菜式，呢個酸湯星斑唔會太酸，佢既酸味為魚提鮮唔少，真係好獨特時味道黎。再加上佢地用木薑子既dd麻香味，帶起左成個菜式既味道。
✨ 麻香思茅菌香雞
雞肉同菌炒埋一齊，大家既味道相輔相乘。
思茅菌爽口彈牙，炒雞粒一粒粒又香又好食。
✨ 香茅脆皮小麻鴨
外皮香脆到好似炸子雞一樣既脆皮小麻鴨，配菜仲有d香料，帶有少少麻香，味道非常好。
✨ 米湯山藥水性楊花
水性楊花即是海菜花，係珍稀瀕危野生植物。只係可以生長係極乾淨既水之中。味道好鮮甜，爽口，睇落以為好似西洋菜既口感，但原來更爽口。大量既山藥都好好食，全部口感都係粉嫩同爽脆之前，應該係煮得啱啱好。
✨ 經典過橋米線
正宗過橋米線係香港難得一見，多種配料餸菜慢慢放入湯中煮熟，令湯汁吸好材料既味道，再撈起。
最後先放入米線，煮約一分鐘，吸一吸湯味。
上枱既米線口感煙韌，湯汁味道豐富層次又多，係我地食過最好食既米線。
✨ 宣威火腿餡餅
火腿餡餅既味道幾香幾唔錯，其中一個有鹹蛋黃既餡食落好有鹹蛋金華火腿月餅既feel。
