Pickabowl (D2 Place ONE)

Open Now

Now Closed

今日係2022年疫情下難得出街嘅日子，明知出去都無咩好睇，但係都照照去咗荔枝角D2 Place行下食個Lunch。一向知道依個商場附近多嘢食，之前市集嘅人來人往，變成今日嘅冷清，行到依間Pickabowl見無咩人，個肚都有啲餓於是入去試下。依間餐廳以健康同魚生做主打，舖頭設計舒適簡約，係門口點完餐行過兩步就見到subway半開放式廚房，可以睇住職員將一份又一份材料精致咁放落碗度非常熟手，無幾耐就有得食。升級咗套餐有一碗麵豉湯，先飲嚟暖一暖個身先。同朋友分別叫咗一個煙油辣味雙拼糙米飯做飯底＋牛油果同DIY自選，加少少錢就可以升級套餐，食材真係好啱我哋依啲平時多肉少菜嘅食肉獸，除有健康之選糙米飯之外，仲有青瓜、車厘茄等等蔬果加上少少嘅辣汁，清淡得嚟相當開胃又唔太辣，就算係怕辣嘅朋友都食到，而且雞肉同魚生，相當新鮮，睇得出有花心思去處理食材，一人一碗係夠食嘅。套餐仲有一隻半熟蛋同甜品，甜品黎自日本空運過黎嘅黑表島黑糖布甸，甜而不膩，成個都非常配合健康依個主題。食完會再返黎食，我都推薦各位少食菜嘅朋友過黎試下。