收工諗住喺附近醫肚，俾我哋發現到一間寶藏冰室「老荔冰室」，門面同裝修都好有懷舊feel，估唔到啲嘢食咁有驚喜😍
🍜 花膠雞湯翅足料米線 ($72)
呢個絕對係必點推介！🤩 個湯底超濃郁，呈金黃色，每一啖都係滿滿嘅雞湯精華，飲得出係熬咗好耐，完全唔係味精水！花膠份量一啲都唔孤寒，大大塊又厚身，口感爽滑，索晒啲湯汁真係好正🤤。雞肉都好嫩滑，加埋杞子、娃娃菜，成個配搭好滋潤養生
🍛 滑蛋沙嗲牛肉飯 ($72)
永遠都係comfort food首選！🍛🧀 一上枱就聞到好香嘅沙嗲牛肉，上面勁多牛肉，下面係厚厚嘅滑蛋，撈飯食一流🤪
🥞 餐肉炒蛋熱香餅 ($48)
鹹兩大塊熱香餅夾住厚切午餐肉同滑蛋，午餐肉煎到外脆內軟，加埋軟綿綿嘅滑蛋，口感好豐富。最估唔到嘅係，熱香餅嘅微甜，同午餐肉嘅鹹香竟然咁夾，甜甜鹹鹹咁好過癮
🐔 蔥油增肌手撕雞250g ($48)
啖啖肉，雞肉保持到嫩滑juicy嘅口感，
完全唔柴皮, 呢個價錢出街食到65gram 蛋白質，真係好抵，唔怪得之枱枱都有嗌
🍹 飲品
我哋叫咗杯金牌奶茶同凍檸樂。杯奶茶茶味香濃，口感順滑，似足泰式奶茶！食住啲熱氣嘢，飲杯冰凍嘅檸樂真係爽呀！🥤
