Video
Read full review
2022-06-13
1444 views
經過呢個商場至少十次，但都係好少會係呢到食飯，幾間餐廳都好想試，西班牙的Rustico、大公館、酸菜魚等等，可惜，次次嚟到呢頭通常都去咗食程班長牛肉麵。今次終於有朋友約嚟荔枝角，仲要係期待已久嘅日式居酒屋，呢間鵜舞，我同屋企人揸車經過非常多次，覺得門口充滿和風，一直on the list。因為聽講餐廳加盟咗串燒師傅同埋一個非常之有經驗、喺幾間唔同嘅日本高級天婦羅店做過嘅師傅助陣，一於少理，食左先講。星期一晚，估唔到全場都差唔多爆滿。最重要係餐廳都幾有日式氣氛，你真係好似去咗東京嘅居酒屋一樣。好耐冇試過坐低咁多個人一齊食飯，飲番杯先至係最緊要，鵜舞自家梅酒，令人猶如置身日本嘅櫻花海一樣，濃淡得宜又開胃。 前菜一人一個北海道海膽鵝肝日式蒸蛋，完全冇諗過蒸蛋可以有咁多配料，鵝肝煎得勁脆，海膽嘅香加上日式蛋嘅滑，好得！季節刺身有油甘魚腩、帆立貝、金目鯛、大拖羅魚腩，仲有石垣鯛薄切，你食完就知道呢度嘅刺身水準非常高，舊大拖羅魚腩厚度均一，油香濃而且強，好好味。另一個前菜博多明太子玉子燒，又唔錯，玉子小小一件但蛋香濃。少見的朴葉作燒烤器具，朴葉味噌燒宮崎和牛你一定會感新奇，見呢個setting你以
經過呢個商場至少十次，但都係好少會係呢到食飯，幾間餐廳都好想試，西班牙的Rustico、大公館、酸菜魚等等，可惜，次次嚟到呢頭通常都去咗食程班長牛肉麵。
今次終於有朋友約嚟荔枝角，仲要係期待已久嘅日式居酒屋，呢間鵜舞，我同屋企人揸車經過非常多次，覺得門口充滿和風，一直on the list。
因為聽講餐廳加盟咗串燒師傅同埋一個非常之有經驗、喺幾間唔同嘅日本高級天婦羅店做過嘅師傅助陣，一於少理，食左先講。星期一晚，估唔到全場都差唔多爆滿。
最重要係餐廳都幾有日式氣氛，你真係好似去咗東京嘅居酒屋一樣。
好耐冇試過坐低咁多個人一齊食飯，飲番杯先至係最緊要，鵜舞自家梅酒，令人猶如置身日本嘅櫻花海一樣，濃淡得宜又開胃。
前菜一人一個北海道海膽鵝肝日式蒸蛋，完全冇諗過蒸蛋可以有咁多配料，鵝肝煎得勁脆，海膽嘅香加上日式蛋嘅滑，好得！
季節刺身有油甘魚腩、帆立貝、金目鯛、大拖羅魚腩，仲有石垣鯛薄切，你食完就知道呢度嘅刺身水準非常高，舊大拖羅魚腩厚度均一，油香濃而且強，好好味。
另一個前菜博多明太子玉子燒，又唔錯，玉子小小一件但蛋香濃。
少見的朴葉作燒烤器具，朴葉味噌燒宮崎和牛你一定會感新奇，見呢個setting你以為煎啲牛肉煎到好似吉列牛一樣，但個係新鮮的和牛加上味噌同菇類，新鮮感高，不過味噌重味左少少。
一定要食鹽燒阿波尾鶏雞翼，燒得啱啱好，又唔油，外脆內嫩，一定不能錯過，師傅盡顯功架，下次要專門食串燒先得。
燒九州宮崎香腸，點上那個類似沙律醬更開胃。
燒厚揚豆腐，都係好驚喜，質感外脆內軟，加上蔥花，更清新怡人。
另外，是日時令有Kinki魚，新鮮野一定要整條，原來油香一流，味道鮮甜。
朋友點的蒲燒鰻魚釜飯，喺你面前焗半個鐘，出到嚟軟綿綿嘅飯加上醬汁嘅燒鰻魚，又掛住日本嘅鰻魚飯。
最尾因為天婦羅出名我哋叫咗個天婦羅丼飯，每人試咗少少天婦羅，我食個蝦都真係炸得鬆脆，又唔多油。
甜品有水信玄餅，自家造真係唔錯，仲要有唔同味道雪糕，可惜，後段已經食得太飽。
下次食串燒定天婦羅好？樣樣都唔錯，約定朋友兩樣都要吧。
Post
