講到食物多樣性，結合西式加上泰性風味混合，每碟又大份，性價比真係幾好。
頭盤，生蝦刺身，口感既層次複雜，多樣，一啖肉一啖辣椒，十分衝擊，如果你鍾意食辣嘅話，一定會食上癮！
再黎叫左碟馬拉蜆，每粒蜆大大隻，無沙得黎，十分清甜，又有口感！
再叫咗個澳洲草飼肉眼扒，配黑松露燒汁。都扒比想像中大，食落幾嫩口，一啲都唔會太硬，再點埋個黑松露燒汁，更加發揮到牛嘅鮮味同肉汁。而配菜方面的薯條，十分脆口！
呢碟鳳尾蝦牛油果青醫意粉，係我覺得喜出望外嘅主菜，真係好好食，啲面又唔會太乾身，青汁嘅味道同啲面夾得啱啱好，蝦又爽口彈牙，真係大快人心！
