強記飯店 (Closed)

荔枝角地獄重遊記 睇左標題，大家唔好誤會， 我所指嘅地獄並唔係呢間餐廳， 荔枝角呢個返工嘅地方先至係一個地獄。 呢間餐廳算係呢個地獄裏面其中一個天堂。 以前lunch都好期待黎呢間餐廳食一個叉燒煎蛋飯。 隔咗幾年 ， 我都已經唔記得左呢間餐廳係邊個位置， 特登上open rice度check下 地址係邊 。 今日為咗懷愐呢個地獄 裏面嘅小小天堂 ， 特登嚟一次。 今日就食好啲，來一個雙并 叉燒燒肉飯。 其實你哋睇下啲相就知道啲叉燒好鬼正。 叉燒係燶邊叉燒，瘦得黎分開一粒粒肉，啲肉好鬆軟，好入味。 叉燒果皮都好脆，而且唔太肥，真係好好食。凍檸茶就大大杯，唔錯。埋單＄57。如果我仲係係荔枝角返工，一定食唔起＄57個午餐，希望係荔枝角打工嘅你哋加油，快啲脫離荔枝角呢個人間煉獄。哈哈。