陶園燒臘飯店 (Closed)

位於佐敦嘅陶園燒臘飯店門外有好大隻燒鵝裝飾，吸引咗我入去。雖然已到放工時間，好彩仍有我想食嘅燒臘供應。店外已有各款燒臘嘅價錢，非常清晰。老竇鍾意食燒鵝，所以就買咗燒鵝下莊，為嘅當然係要食燒鵝髀啦。識食一定食燒鵝髀先！呢隻「燒鵝髀」嘅肉都好彈牙又夠滑，而且佢係用荔枝柴嚟燒，所以有一陣特別嘅香味。燒腩骨$160/斤，揀咗條靚骨，原來呢度不足半斤，但睇落份量都已經唔少。燒腩骨嘅皮勁脆，食起上嚟卜卜脆，而且肥瘦適中有層次，絕對值得回頭。