自從食過一次佢地既瑞士雞脾後就好似上癮咁，定期都會黎食一次。
基本上早午晚三餐都試過哂，我諗餐牌上既食物無七成都有一半係食過
招牌雞脾一定一定一定要點，瑞士汁係精萃，夠色又夠惹味
一切開幾肥美幾juicy幾多雞油🤤🤤🤤🤤🤤
午市無雞脾沙律，唯有自製一份茶餐
什果沙律大大份夠兩個人分，有椰果蘋果青瓜薯仔，口感豐富，沙律新鮮整起，唔會出哂水。
我至愛既肉醬意粉，肉醬酸甜調配適中
芝士都算多，焗得幾香口無燶，如果多啲肉碎口感會更好。
跟意粉既咖啡☕️咖啡豆係我中意既偏苦澀味，唔酸。
呢度既焗西蘭花同樣唔錯，火候控制恰到好處，最怕食起黎又硬又生，呢度完全唔會，美中不足係芝士唔多
第一次試麻辣雞粒，估唔到又炸得幾鬆脆，炸皮唔會太厚，調味香口得黎唔算辣。
單一個粉麵飯完全唔夠喉，次次黎都忍唔住嗌多幾份小食
