WM Café & Bar (海之戀商場)

Open Now

Now Closed

呢間餐廳就近荃灣西鐵站的海之戀商場，位於3樓。餐廳座位寬敞，就算坐喺卡位都好闊落，Outdoor環境更加大。之前食過晚餐平均大概$150至$200左右。午市更抵食，人均$100內而且選擇比較多。🐂香煎西冷牛扒飯$72午市套餐包餐湯同飲品，揀咗伯爵茶，個味有啲似薄荷茶味咁。呢個套餐比想像中驚喜🤩，塊扒都幾大塊，入口鮮嫩，上面淋咗一層燒汁食落更開胃。🦐龍蝦汁海鮮燴意大利飯$98呢個飯煮得好入味，啖啖都充滿龍蝦同埋菇嘅香味，飯粒都煮到軟硬適中。入面啲用料都好豐富，食到蝦、魷魚🦑、帶子、等等。（追加）芝士白汁焗西蘭花🥦$28西蘭花份量都幾多，啖啖都充滿芝士同白汁。