今次去到荃灣一間任食雞煲，最特別之處就係佢可以免費任加雞，啱晒一大班朋友去食😙
🌟至尊惹味雞煲
我哋就叫咗一個唔辣嘅惹味雞煲，雞煲份量都幾多嘅，而且件件都大嚿肉😙啱晒我呢啲鍾意食肉嘅人，而且佢個調味都好唔錯，好香而且有少少芫荽嘅香味。成件事好惹味，仲要佢係主打任加雞😍一班朋友去食就唔怕唔夠分啦
🌟炸饅頭
必食佢嘅炸饅頭，佢係即叫即炸，所以拎到出嚟仲係好熱熱辣辣😍加埋煉奶一齊食，超正。真係做到外脆內軟
食完雞煲之後仲可以打邊爐😛佢嘅火鍋配料都幾多款式。我自己就推介佢嘅牛柏葉，好爽口👍
🌟飲品
佢除咗一般嘅汽水任飲之外，仲有好多特色嘅茶飲可以叫，例如柚子蜜、咖啡，奶茶呢啲梗係唔少得啦😊
1
