鋿晶館

Open Now

Now Closed

夜晚想食點心就去左朋友成日推介既鋿晶館，呢到係自家製品牌黎，7點幾去到都好多人呀! 朋友話呢到師傅係米芝連酒店做過，所以食物質素好有保證，所以我都好大期望! 所有點心都係即場叫完即刻做，好新鮮，所以就要預番少少時間等啦! 我同朋友叫左籠蝦餃，皮夠薄，蝦肉都好多，仲要大大粒架! 之後都叫左叉燒腸，好滑，入面叉燒既比例都好多，唔會話頭尾都冇料。叉燒包唔會乾，入面好多料，好香，可能係即整既關係，上台個陣係好熱，大家要要小心D食啦! 咸水角脆卜卜，好香口。另外，粉果同樣做到皮薄足料，好食呀!