.
📌吉列三文魚柳定食 $125
吉列三文魚好少有 見到即刻試吓🍣
用左厚身嘅三文魚柳 外層裹上日式炸皮大火脆炸🔥火喉控制得好好 吉列皮唔會太厚 炸得超香脆 乾身唔油膩 中間係薄薄一層熟透粉嫩嘅三文魚 再到內裏半生嘅軟滑三文魚 口感非常有層次 食落肥美油脂甘香😍再點埋酸酸甜甜嘅他他醬 真係好掂 必食呀💯
1
所有白飯可以加$18轉蕎麥麵/烏冬 夏天食返個冷麵 透心涼🧊蕎麥麵爽口 帶淡淡蕎麥香🌾冷麵汁除咗有平時嘅鰹魚同醬油味 仲附上芥末, 紫菜碎同薑蓉 撈勻晒沾嚟食 清爽又開胃 配胡麻醬食都唔錯🍜
旁邊仲有爽脆椰菜絲, 蕃茄, 檸檬, 醃酸蘿蔔同黃瓜解膩🥬🍅🍋🥒
.
📌雜錦刺身丼定食 $138
揀左款咩都有嘅刺身丼 有三文魚, 吞拿魚, 油甘魚各兩片, 虎蝦一隻同三文魚籽🤩
1
魚肉幾嫩唔霉 冇雪藏同腥味 不過就唔算厚肉🐟虎蝦好爽嫩 蝦頭仲有蝦膏 但食落有啲腥🦐三文魚籽正常發揮🍣另外仲有玉子燒同消滯酸薑 玉子燒好軟綿濕潤 仲好滑身 同平時唔同 幾好食喎🍳壽司醋飯望落好濕 黐埋晒一舊咁 但食落都ok 不過會比平時黏少少 酸度就適中🍚
.
📌定食套餐
1️⃣茶碗蒸
口感超滑溜 但配料得一舊豬肉同菇片 有啲少 味道都偏淡 主要係食蛋香為主 冇平時濃郁嘅高湯味🥚
2️⃣麵豉湯
麵豉味幾濃 但偏鹹左啲 配料嘅海帶同豆腐粒都幾多🍲
