Video
Read full review
2025-07-28
2119 views
呢間即撈海鮮嘅火鍋放題，開咗咁耐都仲係咁有人氣😮 呢晚同朋友嚟咗荃灣分店，食咗佢2個鐘45分鐘嘅加時版，可以食得盡興啲。鴛鴦鍋嚟得呢度梗係想主打食生猛海鮮，所以嗌咗兩款海鮮湯底🍲♦️蟹皇海鮮鍋我哋用咗呢邊嚟淥蟹同埋蝦，個湯底更加鮮味。♦️龍蝦頭鍋呢邊淥菜同牛肉，味道都唔錯。即撈海鮮有一個好大嘅區域即撈海鮮，我哋呢日試咗大頭蝦、鮑魚、九節蝦、花蟹、藍蟹、三點蟹、白蜆同埋花螺，啲海鮮真係好新鮮，彈彈跳咁勁生猛。撈完海鮮之後就可以將成籮海鮮交俾店員清洗🧽 好快就攞得㗎啦😍 真係好新鮮，拎嚟打邊爐都好鮮甜👍🏻 仲見到店員會不時refill啲海鮮，整個體驗都唔錯，有得玩又有得食。肉類呢個套餐包括咗四種肉類，有澳洲M5和牛、美國牛肩胛片、澳洲羊肉片及美國豬梅肉片。當中我最鍾意嘅就係澳洲M5和牛，一碟有兩片，都好容易預份量🐮炸物用QR code落單嘅食物有芝麻雞翼、榴槤炸彈、脆皮鮮奶卷及醬爆糍粑，芝麻雞翼勁Juicy。另外回本之選一定係鐵板鵝肝多士、皇牌燒乳鴿王同埋川味鮮燒蠔🦪 我哋仲嗌咗鹽燒牛舌、西京燒比目魚、蒲燒鰻魚同埋燒香草羊鞍🐑 鵝肝雖然有啲邪惡，連埋多士一齊食，風味十足。自助區呢度自助區嘅範圍
鴛鴦鍋
嚟得呢度梗係想主打食生猛海鮮，所以嗌咗兩款海鮮湯底🍲
♦️蟹皇海鮮鍋
我哋用咗呢邊嚟淥蟹同埋蝦，個湯底更加鮮味。
♦️龍蝦頭鍋
呢邊淥菜同牛肉，味道都唔錯。
即撈海鮮
有一個好大嘅區域即撈海鮮，我哋呢日試咗大頭蝦、鮑魚、九節蝦、花蟹、藍蟹、三點蟹、白蜆同埋花螺，啲海鮮真係好新鮮，彈彈跳咁勁生猛。撈完海鮮之後就可以將成籮海鮮交俾店員清洗🧽 好快就攞得㗎啦😍 真係好新鮮，拎嚟打邊爐都好鮮甜👍🏻 仲見到店員會不時refill啲海鮮，整個體驗都唔錯，有得玩又有得食。
肉類
呢個套餐包括咗四種肉類，有澳洲M5和牛、美國牛肩胛片、澳洲羊肉片及美國豬梅肉片。當中我最鍾意嘅就係澳洲M5和牛，一碟有兩片，都好容易預份量🐮
炸物
用QR code落單嘅食物有芝麻雞翼、榴槤炸彈、脆皮鮮奶卷及醬爆糍粑，芝麻雞翼勁Juicy。另外回本之選一定係鐵板鵝肝多士、皇牌燒乳鴿王同埋川味鮮燒蠔🦪 我哋仲嗌咗鹽燒牛舌、西京燒比目魚、蒲燒鰻魚同埋燒香草羊鞍🐑 鵝肝雖然有啲邪惡，連埋多士一齊食，風味十足。
自助區
呢度自助區嘅範圍都好大，食物排列整齊。火鍋配料嘅丸類同埋蔬菜都有供應。另外火鍋必備嘅炸魚皮、油炸鬼、生根同埋響鈴都有得夾架。前菜如麻辣雞腎同埋藤椒魚皮，幾香辣惹味🌶️ 比較特別嘅係佢有蒸點心，小籠包同埋蝦餃我哋都有食到。個人最愛係烤榴槤，勁creamy，榴槤肉勁香濃，真係有齒頰留香嘅感覺🥰
飲品區
喺海鮮嘅區域隔離，有汽水、無糖茶、啤酒等嘅飲品任飲，仲有得斟生啤🍻 可以飲返兩杯回本。
甜品區
除咗有Häagen-Dazs雪糕任食之外，餐廳仲提供其他韓國牌子嘅雪糕雪條，仲有得使用雪糕機，可以擠軟雪糕出嚟食🍦另外餐廳仲提供甜品櫃，有朱古力布朗尼、布甸等嘅甜品可以選擇 。
呢度真係好適合鍾意海鮮嘅朋友嚟食啊，好難得一個放題可以食到咁多款海鮮🦐 呢晚揀咗2小時45分鐘嘅套餐就唔會食得好趕啦 。
Post
