一家三口嚟荃灣莆田，食新出嘅「莆田鰻魚節」菜式！必點✨黃金脆皮鰻魚尾✨外皮炸到超酥脆，咬落咔嗞聲，入面肉質嫩滑又鮮甜，連平時唔多食魚嘅小俐俐都搶住食😛
我哋叫咗兩個午市套餐，超抵食👍🏻我揀嘅酸甜黄花魚🌟煎得香口，酸甜汁開胃又唔膩，配白飯啱啱好。套餐小菜有爽口水晶豬蹄凍！、鮮味十足蝦苗拌紫菜、清新解膩撈汁青瓜，仲有燉湯同冬瓜薏米水，真心足料🙌🏻
爸爸嗌咗莆田荔枝肉🌟肉質軟淋，醬汁濃郁又唔會過甜。佢套餐小菜有口感得意阿溜土筍凍、流心溏心蛋、入味有嚼勁家鄉燜徛乾😍
忍唔住叫多幾款小食😆農家炸京糕外脆內軟、福建黄饅頭香甜鬆化、莆田紅團煙韌豆香濃、家鄉白米糕清淡啱小朋友、鹹香黃花魚鹹鮮惹味、閩南五香卷香口唔油膩、脆皮赫香雞皮脆肉嫩😜
