Lucky Smash (Closed)

今個月初於西營盤試過”Burger Joys” 一直念念不忘，估唔到早幾日從網上睇到 Burger Joys 在荃灣開了一間外賣漢堡飽店 “Lucky Smash” “行運漢堡”，一於去試下。店舖一睇就知主力賣3樣嘢，包括漢堡、薯條同熱狗。店舖主要是外賣，大大個名寫住”行運漢堡”，希望食完可以行好運店舖牆身上掛滿多幅漢堡海報，做成一幅漢堡牆漢堡主要有3款，如果買漢堡仲可以用優惠價買埋熱狗。店內以開放式廚房設計，食客全程可睇到漢堡製作過程，食得放心。所有食物即叫即整，牛肉漢堡上加上醬汁去煎，再加上芝士，溶在牛肉上，睇見到流晒口水。另一邊見到飽塗上牛油後再煎一煎。而薯條亦是即叫即炸1. 雙層芝士牛肉漢堡餐($98)2. 芝士牛肉漢堡($58)每樣食物都有個別盒放，相當細心雙層芝士牛肉漢堡，好厚身。芝士完全溶晒落牛肉漢堡內，每咬一口都有芝士香味牛肉漢堡夠厚身，咬落不會乾身，肉質軟嫩，夠juicy同肉汁。醬汁甜甜酸酸，令人食落好開胃薯條即炸熱辣辣，外脆內熱，部分薯條仲見到保留薯仔皮，食落啖啖薯仔香味，不似本港某連鎖快餐店的薯條全無薯仔味。整體來講，Lucky Smash 價錢大眾化，而漢堡能保