相馬日式火鍋 (Closed)

真係差到忍唔住先人生第一次打食評，可能係新開張人手不足的關係，坐低半個鐘先上個湯底，然後再食左半個鐘配料先上第一碟肉，食完幾片肉後又開始漫長的等候第二碟肉並開始打食評。食物方面肉切得偏厚，肉質同其他同價位日式火鍋差不多，湯底方面我選了甜醬油湯，第一次食到無甜味既甜醬油湯底，而醬汁味道都麻麻地，同其他價位相約既日式火鍋比除了肉切得厚外豪無優點，即使服務有改善都唔會再食過呢間野，洗左幾百蚊坐係到餓幾個鐘都係有d嬲嬲地，打完食評都仲未有第二碟肉，望下其他客人我地都唔算最慘，有d遲我地少少入，到依家都未有湯底配料都無得食。