Backyard (Closed)

又到左一個月好友飯局喇,今次由朋友決定晚餐地點,佢揀左荃灣嘅西餐廳---Backyard!佢話一來就佢收工，二來嗰度夠寬敞，坐得舒服又傾到計,三來食物有水準,唔講咁多，大家睇睇相先!特色波士頓龍蝦用超級優惠價價錢去品嚐到凍食半隻波士頓龍蝦都非常優惠$20,味道都好得別,有泰式醬嘅感覺,酸酸甜甜再加上肉質鮮美，非常開胃!讚!黑松露牛肝菌意大利飯濃濃嘅黑松露,大大件嘅牛肝菌再加上香濃嘅意大利飯,未食都知係好嘢。食落去非常香又唔算太黐口，好香口又唔算太膩,好味!瑪蘇里拉芝士蕃茄薄餅其實本人係瑪蘇里拉芝士嘅超級粉絲，每次食西餐基本都會必點,今次都無錯過,水準都算高,脆脆嘅餅底，再加上足料嘅瑪蘇里拉芝士,好好味!朋友講嗰三點除左第一點無計外，其餘兩點都講得無錯,同好友一路傾一路食水凖唔錯嘅西餐,人生一大樂事也！