大井町日式放題 (Closed)

今日我和媽媽去左荃灣行街，行到夜晚，媽媽講好耐無食過放題，所以我地就決定今晚一於食放題。因為知道大鴻輝中心有好多嘢食，就去左個面搵好嘢食。最後，我地揀左係三樓嘅大井町日式放題，結果，無令我和媽媽失望呢！由於我和媽媽都係鍾意食熟嘢多D，所以我地都係主攻呢方面的食物。呢度食物種類有好多，有好多唔同選擇，相信實有幾款係你鍾意的。食放題，識食一定會食炸蝦天婦羅先。大井町無令我地失望。呢個天婦羅熱啦啦，卜卜脆，蝦亦好有鮮味，比得上我和木先生之前去東京的地道水準。之後我地就叫左幾款唔同的燒物，有燒羊架，盬燒牛舌，燒雞串和盬燒海蝦。呢幾款燒物亦都係水準之上。尤其是羊架和牛舌，完全無肥肉。之後就叫左我的至愛-燒菠蘿和燒茄子。好多人覺得食放題叫呢d會回唔到本，不過我就最鍾意呢d，而呢度亦整得好好食。我同媽媽又叫左鐵板牛油帶子和柚子汁炒尤魚。個帶子因為有用牛油炒，所以帶子就好鮮甜。而我都係第一次見用柚子汁炒尤魚，味道好清新同好鮮甜。另外，牛油雞翼很香牛油味而且肉質嫩滑，好食。飲品方面，亦都有好多選擇有汽水，啤酒，提子汁，荔枝汁等等，一應俱全；仲有我最鍾意飲的-解茶，去脂解渴一流。最後食理Movenpick