Video
Read full review
2019-05-23
80 views
自己好鍾意食打冷，我聽阿妹講最近荃灣開左間新嘅打冷鋪，佢試過一個黑松露蟹膏蒸蛋，話叫我一定要去試下，所以我就去咗荃灣三坡坊嗰邊睇下係咪真係咁好食。三坡坊呢頭都真係好多大排檔同埋打冷鋪，似乎之後又多一個好地方可以食嘢喇，今次我哋嘅目的地就係喺三坡坊最尾嘅鋪頭。可能新開嘅關係，環境嚟講係打冷鋪入邊算係非常企理。不過我對阿妹唔住，雖然我一心想嚟食蟹膏蒸蛋，但我見到一樣更加吸引嘅嘢，就係潮州粥。店員話畀我哋聽，揀潮州粥就好似揀車仔麵噉樣，可以揀幾個餸，總之過200蚊就得喇。由於蒸蛋係用嚟送飯個嘛，噉我梗係唔叫蒸蛋，叫多兩個海鮮啦。我嘅潮州粥入邊有元貝，聖子，鮮蜆，蠔仔同埋鯇魚。個粥真係非常入味，而且海鮮十分足料，睇相就知道冇呃秤。由於我都係第一次噉樣食潮州粥，覺得好滿足。嚟大排檔，都梗係要試下啲香口嘢啦，椒鹽系列一定走唔甩，今次就叫咗個椒鹽九肚魚。呢個一上菜嘅是熱辣辣，鹹味適中，仲要外脆內軟，真係搞唔掂，食咗好多件都驚喉嚨痛。鐵板豬仔髀，喺呢度嘅招牌菜，上菜嘅時候都好夠排場，一分六件嘅豬仔髀，有肉汁，仲要加個黑椒汁，同豬仔脾配搭得恰到好處。仲有天地一號，呢隻蘋果醋都幾好味。係汽水同啤酒以外嘅另
三坡坊呢頭都真係好多大排檔同埋打冷鋪，似乎之後又多一個好地方可以食嘢喇，今次我哋嘅目的地就係喺三坡坊最尾嘅鋪頭。可能新開嘅關係，環境嚟講係打冷鋪入邊算係非常企理。
不過我對阿妹唔住，雖然我一心想嚟食蟹膏蒸蛋，但我見到一樣更加吸引嘅嘢，就係潮州粥。店員話畀我哋聽，揀潮州粥就好似揀車仔麵噉樣，可以揀幾個餸，總之過200蚊就得喇。由於蒸蛋係用嚟送飯個嘛，噉我梗係唔叫蒸蛋，叫多兩個海鮮啦。我嘅潮州粥入邊有元貝，聖子，鮮蜆，蠔仔同埋鯇魚。個粥真係非常入味，而且海鮮十分足料，睇相就知道冇呃秤。由於我都係第一次噉樣食潮州粥，覺得好滿足。
嚟大排檔，都梗係要試下啲香口嘢啦，椒鹽系列一定走唔甩，今次就叫咗個椒鹽九肚魚。呢個一上菜嘅是熱辣辣，鹹味適中，仲要外脆內軟，真係搞唔掂，食咗好多件都驚喉嚨痛。
鐵板豬仔髀，喺呢度嘅招牌菜，上菜嘅時候都好夠排場，一分六件嘅豬仔髀，有肉汁，仲要加個黑椒汁，同豬仔脾配搭得恰到好處。
仲有天地一號，呢隻蘋果醋都幾好味。係汽水同啤酒以外嘅另一個選擇。
總結，我會聽阿妹話下次返嚟食黑松露蟹膏蒸蛋😂😂😂
Post
