莎樂美餐廳

Open Now

Now Closed

心血來潮好想鋸扒，諗返起以前食過幾次大件夾抵食嘅莎樂美，本喵即刻同老婆起行去鋸一鋸回味下😋😋一入到去時間尚早唔使等位，同老婆坐地下果層，由於極肚餓嘅關係，就一人一個餐💪🏽🤩餐包夠暖唔會凍！不過由於本喵鍾意甜，所以如果係甜餐包就perfect啦😫羅宋湯味夠濃唔會稀！菜份量足！值得一推！😋本喵就要咗份鐵板牛柳餐！一睇相就知份量好夠！兩舊牛柳大大舊！夠牛味，咬落有口感唔會韌，唔會覺得係醃到淋嘅！👍🏽👍🏽薯角正正常常無咩特別🤷🏽‍♂️本喵夫人就叫咗份澳洲T骨扒！一樣份量夠哂大🤣本喵切嚟試一試佢，肉味好香，一樣唔韌但亦都唔會覺得係醃到淋嘅👍🏽👍🏽記得記得，餐係包埋雪糕甜品嘅！總括而然，呢間係一間老牌扒房，一直喺荃灣屹立不倒！港式牛扒風味，而且啲扒大大份，尤其係佢嘅雜扒餐，絕對係一大挑戰💪🏽💪🏽P.S. 絕對唔係食service，但至少呢間員工唔會俾面色你睇🎉