2
夜晚爆左場，喺門口排咗一陣隊，我哋試咗個二人套餐～🌟先上嘅係西貢牙車快
即係雞絲沙律～～雞肉幾嫩，蔬菜爽脆，食落幾開胃！
🌟跟住嘅芒果牛油果鮮蝦米紙卷
皮薄餡足，芒果同牛油果味道幾清新！！
好適合而家夏天食❤️
🌟越式香茅雞翼有四件～
外皮炸得香脆，入面肉質保持到juicy，香茅味輕輕哋幾惹味～
🌟主菜方面，西貢咖喱牛腩配法包
牛腩煮得幾淋，肉質紮實有嚼勁
咖喱汁偏向清淡風格，蘸法包食幾夾。
🌟越式菠蘿炒飯粒粒分明
越式口味食落幾清新～雖然唔係用原個菠蘿上，但炒得口味溫和自然，適合偏好清淡風味的食客。
🌟飲品方面：
叫咗椰汁三色冰同椰汁紅豆冰，兩杯都幾清涼，椰汁味幾濃，甜度適中。
整體來講，呢個套餐幾豐富，味道偏向清淡自然，適合喜歡輕口味的朋友。餐廳環境整潔，服務周到，係一個幾舒服嘅用餐體驗。
