牛太 (Closed)

食肉獸一個月梗係要出動幾次 今日就嚟到荃灣citywalk嘅呢間牛太 係食日本網燒烤肉嘅放題 晚飯時間嚟到都幾多人等位 等咗一陣就可以入去 枱有分四人一個爐同兩人一個爐 好好彩嘅我哋係4人爐 坐錯得超舒服而且空間亦都好足夠 我哋係食最平嘅218一個人 一開頭已經包咗一碟燒肉拼盤 之後就可以再追加 係用ipad點菜好高級 岩晒小毒毒嚟食 哈哈 拼盤入面嘅牛柳粒大大粒 而且牛味好濃 有咬口 牛肩肉較為大塊 而且油花分佈好靚 牛肉味道好濃郁 豬頸肉冇任何醃料 食落較清淡 但係都食到肉有嘅燒烤味 而且好有咬口彈牙 薄燒牛舌真係超級薄 好好刀功 但係燒十秒就可以反得 同樣地有咬口 味道一流雞肉又係冇醃料 個人認為有啲淡 所以冇再追加 日本腸仔 呢隻腸我覺得偏向似台灣腸 甜甜地 而且好香口 不過入面好多油 都係少食為妙 海鮮有幾款可以揀 就揀咗魷魚同埋牛油帶子 魷魚夠新鮮而且有淡淡海水味 加上炭燒嘅手法超正 牛油帶子真係有一大塊牛油喺上面 超邪惡 佢放錫紙入面 原個放爐上面 好 方便 入口好鮮味 而且又有牛油香 超正 蔬菜 牛油燒金菇係我最愛 上面再加上好多嘅蒜蓉 真係好好味 同埋超邪惡牛油 金菇