必試佢哋嘅燒鴨胸，燒得啱啱好，外皮香脆肉質嫩滑。燒午餐肉係厚切版本，表面燒到微焦特別香口。燒餃子同燒紅腸都係穩陣之選，加咗蜜糖燒更加惹味。芝士流心蛋大啡菇係驚喜之作，一咬開半流心蛋黃同芝士湧出嚟，口感豐富。
仲叫咗燒雞翼尖同燒鵪鶉蛋，細細串最適合送酒。脆片炸雞外脆內嫩，明太子卡邦尼煙肉烏冬 Creamy得嚟唔會太膩，白桃乳酸梳打清新解渴。
特別欣賞佢哋可以走洋蔥，照顧到唔同人口味。店員服務態度友善，環境乾淨企理。
值得一提係餐廳設有燒肉套餐，可以透過社交平台支付，方便又抵食。免加一之餘，仲可以自攜1磅以下生日蛋糕唔收切餅費，對想慶祝生日嘅朋友嚟講好貼心。門口同附近都有停車場，揸車過嚟都方便
