越味皇 (Closed)

荃灣嘅路德圍出晒名多野食，本來約左食泰國菜，見太多人排隊就轉移左陣地黎到越味皇！當晚嘅8點，排左大概10分鐘之後就入得喇。翻桌嘅速度好快，眼見好多人已經食飽飽再有新嘅客人不斷入席。菜單款式都好多，我地就叫左一碗粉麵，幾個小食、兩杯飲品。蕃茄蟹膏湯豬扒金邊粉 $55湯頭除左有蕃茄嘅清新，仲有海鮮果種鹹鮮味。飲落酸甜順口。豬扒醃得好惹味，唔會過老。份量十足，金邊粉吸收晒湯嘅精華入晒味。越式雞肉串燒　3串 $48雞肉燒得嫩滑，沙嗲醬就較稀。越式燒牛柳沙律　$58略嫌青瓜切得比較大粒，唔夠入味。牛柳出現overcook情況。雜錦拼盤 $98雞翼x2、春卷x2、蒸粉包x2、蔗蝦x2蔗蝦好味、炸得彈牙惹味。越味皇蒜蓉牛油雞翼　$45炸漿略嫌較厚、內裏好香牛油蒜蓉味，而且都幾juicy薄荷葉青檸梳打 跟餐+$15想唔到又唔係太甜，又好清涼夏日感覺。 䶢檸梳打$26如果想飲完全唔甜嘅，呢杯就岩晒！食完煎炸可下下火嘅感覺。