麵道 (Closed)

平時極少會駐足係千色匯，多數只係當通道經過。知道「麵道」呢間餐廳都開咗一段時間，不過一直都冇食過🙈 今次係機緣巧合之下，決定會一會佢～☆雞白湯拉麵按平時自己口味，揀咗要硬麵、濃味、走蔥走筍。湯底幾濃，有啲漿住過口🙊 面嘅硬度我覺得可以再硬啲。另外個叉燒係雞叉燒，層皮少少煎左煎，幾香口。整體中規中矩。☆餃子唔會話太油，味道冇乜太大特別。唔係我最鍾意嗰隻餃子嘅味道。