Video
Read full review
2023-08-25
44 views
呢晚實在太肚餓啦 所以搵咗間放題刷餐勁 嚟咗荃灣大鴻輝嘅呢間台式燒肉 叫呢度最高級嘅放題套餐 澳洲M5和牛吃到飽🥰牛肉首先一定要推介呢個餐送嘅牛舌芯 燒完依然好軟腍腍 可惜一人只係得兩條 有少少唔夠喉😂 如果想再嗌就要另外加錢喇 安格斯牛小排 澳洲M5和牛肩胛肉 嚴選裙邊牛柳 呢三樣係呢個餐獨有嘅 幾鍾意個和牛肩胛肉 牛味濃郁👍🏻 另外嗌咗安格斯牛板腱 安平私房牛腹肉 嚴選牛仔骨亦都唔錯 唔會太韌 牛舌有兩種口味 黑椒洋蔥牛舌同埋鹽選牛舌👅 覺得黑椒洋蔥更有驚喜 牛肉選擇真係好多 啱晒牛魔王嘅我☺️豬肉及雞肉相對牛肉 豬肉同雞肉我嗌得比較少啲🫢 鹽蒜麻油雪花豬 好似豬頸肉咁 充滿油花 醬燒雞爽肉 口感細緻 燒肉當然唔少得最夾嘅雞翼 好鍾意佢個老虎雞翼 味道刺激🐥 香辣腎片 非常惹味 士林小香腸 呢啲台式食物今次可以放上火爐燒喇😻海鮮呢度嘅燒海鮮 種類都非常多 有鹽蒜燒生蠔 緊記一定要燒熟晒先食啊🦪 燒帆立貝 爽彈虎蝦 都係必點項目 台灣鯛魚下巴 呢一個係魚腩部份加埋魚鰭🐟 安平私房烤青口 都係唔錯嘅選擇 喺青口面頭仲有啲燒汁 屏東燒魚腹 呢個我真係好鍾意🥰 魚油好香 而且冇骨 細細件咁樣
呢晚實在太肚餓啦 所以搵咗間放題刷餐勁 嚟咗荃灣大鴻輝嘅呢間台式燒肉 叫呢度最高級嘅放題套餐 澳洲M5和牛吃到飽🥰
牛肉
首先一定要推介呢個餐送嘅牛舌芯 燒完依然好軟腍腍 可惜一人只係得兩條 有少少唔夠喉😂 如果想再嗌就要另外加錢喇 安格斯牛小排 澳洲M5和牛肩胛肉 嚴選裙邊牛柳 呢三樣係呢個餐獨有嘅 幾鍾意個和牛肩胛肉 牛味濃郁👍🏻 另外嗌咗安格斯牛板腱 安平私房牛腹肉 嚴選牛仔骨亦都唔錯 唔會太韌 牛舌有兩種口味 黑椒洋蔥牛舌同埋鹽選牛舌👅 覺得黑椒洋蔥更有驚喜 牛肉選擇真係好多 啱晒牛魔王嘅我☺️
豬肉及雞肉
相對牛肉 豬肉同雞肉我嗌得比較少啲🫢 鹽蒜麻油雪花豬 好似豬頸肉咁 充滿油花 醬燒雞爽肉 口感細緻 燒肉當然唔少得最夾嘅雞翼 好鍾意佢個老虎雞翼 味道刺激🐥 香辣腎片 非常惹味 士林小香腸 呢啲台式食物今次可以放上火爐燒喇😻
海鮮
呢度嘅燒海鮮 種類都非常多 有鹽蒜燒生蠔 緊記一定要燒熟晒先食啊🦪 燒帆立貝 爽彈虎蝦 都係必點項目 台灣鯛魚下巴 呢一個係魚腩部份加埋魚鰭🐟 安平私房烤青口 都係唔錯嘅選擇 喺青口面頭仲有啲燒汁 屏東燒魚腹 呢個我真係好鍾意🥰 魚油好香 而且冇骨 細細件咁樣放喺錫紙上面燒 不過真係魚油太充足 煮到熱咗之後會有少少彈油嘅情況出現 一定要小心比熱嘅油焫親😝 不過真係啖啖肉 忍唔住嗌咗好多碟
夜市小食
即食滷水涼拌鴨舌 好少可有放題有得食鴨舌呀 覺得呢個都係回本之選🪿 呢度嘅黃金醬都幾特別 有兩款小食都用咗黃金醬處理 金沙翠玉苦瓜 食落口有苦瓜嘅甘香 黃金泡菜 入面除咗有椰菜之外 仲有花生粒 呢個黃金泡菜 食起上嚟都有少少醋嘅醃製味 但係更香嘅係鹹蛋黃嘅香味 作為前菜嚟講 呢碟真係好開胃🥬 澎湖花枝排 南部章魚卷 懐念鹽酥雞 呢啲酥脆嘅炸物都係熱辣辣咁上
自助吧
自助吧嘅地方有唔同嘅蔬菜選擇 有南瓜 粟米 香菇 洋蔥 更可以用生菜包住啲肉嚟食 咁就冇咁油膩啦😌 落單都仲有其他蔬菜選擇 特別推介奶油金菇 份量啱啱好 而且有牛油烹煮更加易入口
飲品
除咗外面有好大個櫃裝無糖茶 汽水之外 呢度仲有特色沙瓦酒可以加購🍻 我就俾薑母茶沙瓦吸引咗 真係好香薑嘅味道 超級有台灣特色😉 仲有檸檬沙瓦可以選擇 仲可以用QR code落單 嗌台灣手搖飲品 檸檬阿里山紅茶同埋紅火冰茶嘅茶底相當香🍵 紅火冰茶入邊仲有紅色火龍果添
甜品
一人有一杯雪糕🍦我揀咗雙重朱古力馬卡龍同埋士多啤梨紅桑子馬卡龍 雪糕質地都幾特別 兩杯入面都有小圓餅碎 更有口感
食足兩個鐘真係夠晒飽 食燒肉嘅同時又有台灣小食同手搖 真係豐富到捧住個肚走啊😂
Post
