泰玖 (Closed)

見朋友話呢間幾好食，於是就去左試一試☺️呢間餐廳行走工業風，餐廳樓高兩層，空間寬敞！而地下嗰層係bar枱位，可以望住店員沖野飲😀飛天通菜 $78呢個通菜好惹味🤤又有鑊氣🔥唔會好辣，而且啲菜炒得夠諗，份量比起其他餐廳嚟講都算多，愈食愈開胃👍🏻紅咖喱雞 $88 從來未食過紅咖哩，以為會好辣，但原來比青咖喱嘅辣度更低，除左有椰香同埋香料味，仲有啲菠蘿帶起啲甜味😋！而啲雞好大舊又嫩滑，仲有啲茄子、蕃茄仔同埋豆角做配料😻。我地另外仲叫左薄餅($36)，有6塊咁多仲係即煎好酥脆👍🏻👍🏻泰式明爐桂花魚$158泰式明爐魚通常會用烏頭，但呢間竟然用桂花魚，相對上肉更嫩滑同埋少啲細骨，好有誠意💕而嗰湯嗰味好balance，酸度同香茅味剛剛好，另外佢地仲有額外上一碗湯俾我地隨時加，幾細心！青檸梳打$38解渴抵飲，青檸味好夠！總括而言，呢間泰玖CP值高，啲野食抵食又大件份，食物價錢貼地，仲有做午市套餐添，推薦大家去試試！性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️⭐️建議：當晚去到都full，想食可以電話/openrice訂座！