Video
Read full review
2017-11-24
210 views
呢排成日出入荃灣，除左黎同朋友吹水之外，重點就係「食」，今日又有朋友帶路去到大窩口同荃灣中間既荃華街。餐廳係係荃華街44號富華花園商場地下，附近有Aeon，即係係熊貓酒店附近，兩邊地鐵站行黎都係10分鐘左右，地點算方便易搵。店舖裝修簡單、企理、光猛、坐位闊落舒服。Menu呢度除左主打甜品之外，都仲有好多鹹食。望到隔離枱個d意粉同pizza賣相都唔錯，仲香噴噴tim，不過tea time優惠時段（1200-1800）我地都係食番主打，其他就留番下次先榴槤班戟配雪糕$34（優惠時段）$38呢個榴槤班㦸好重料，切開班戟榴槤溶同d cream都爆出黎，空氣即時瀰漫住榴槤味，食落榴槤香甜又唔會過熟，加埋個雪糕，可以中和返個味蕾再食下一樣甜品鮮芒果脆方磚$49（優惠時段） $54呢個係呢度既人氣甜品，賣相唔錯，方磚係厚多士，同平時食開既唔同，呢度係冇蜜糖架，但係就有香濃既牛油味，食落仲好脆身tim，雖然芒果夠新鮮不過唔係當造季節，所以唔夠甜芋圓小丸子（凍）$31（優惠時段）$34呢個係台灣地道既芋圓小丸子，超級足料，有芋圓、涼粉、小丸子、紅豆、奇亞籽等等...食落超煙韌又爽口，真係過足口癮
餐廳係係荃華街44號富華花園商場地下，附近有Aeon，即係係熊貓酒店附近，兩邊地鐵站行黎都係10分鐘左右，地點算方便易搵。
店舖裝修簡單、企理、光猛、坐位闊落舒服。
Menu
呢度除左主打甜品之外，都仲有好多鹹食。望到隔離枱個d意粉同pizza賣相都唔錯，仲香噴噴tim，不過tea time優惠時段（1200-1800）我地都係食番主打，其他就留番下次先
榴槤班戟配雪糕$34（優惠時段）$38
呢個榴槤班㦸好重料，切開班戟榴槤溶同d cream都爆出黎，空氣即時瀰漫住榴槤味，食落榴槤香甜又唔會過熟，加埋個雪糕，可以中和返個味蕾再食下一樣甜品
鮮芒果脆方磚$49（優惠時段） $54
呢個係呢度既人氣甜品，賣相唔錯，方磚係厚多士，同平時食開既唔同，呢度係冇蜜糖架，但係就有香濃既牛油味，食落仲好脆身tim，雖然芒果夠新鮮不過唔係當造季節，所以唔夠甜
芋圓小丸子（凍）$31（優惠時段）$34
呢個係台灣地道既芋圓小丸子，超級足料，有芋圓、涼粉、小丸子、紅豆、奇亞籽等等...食落超煙韌又爽口，真係過足口癮
Post
