Video
Read full review
2020-06-19
1400 views
之前去大館做野發現到呢間素食茶館，今晚同男朋友黎試一試。呢度茶既種類有好多，另外仲有茶雞尾酒同埋樂茶啤，岩哂中意飲酒既人。我地本身對茶唔多認識，所以等店員介紹左月季白茶，有抗氧化功效，岩哂女仔飲，第一杯會先沖好，之後會畀壺熱水可以自己沖，焗5-10秒就可以飲。樂茶啤 - Honey Black Tea Brut Ale，用左蜜香紅茶既啤酒，因為茶種本身個蜜香味令到啤酒飲落甘甜順口，好特別。是日老火湯 - 節瓜花生眉豆湯，好有heart既老火湯，材料十足。台式馬蹄水餃 🥟水餃個皮好薄好滑，由於係素食，水餃個餡料都係素食做成，除左馬蹄粒以外，仲有紅蘿蔔絲同黑木耳絲，食落好有咬口，配埋個湯清清地，有d菜同金菇。藕斷絲連兩款唔同既煮法，其中一款係炸蓮藕條，唔會有好厚既炸粉，保留住蓮藕爽脆既口感，另一款係煎蓮藕片加素肉餅，素肉餅煎得好香口，配埋底部既蓮藕片，口感一流，最後食埋中間個粒甜甜既冰糖葫蘆。芝士南瓜咕菇咕🧀南瓜粒洋蔥粒加芝士舖滿係磨菇上面，焗完磨菇都唔係太乾，因為有洋蔥粒多左一重口感。蜜糖香檸柳呢個用左素魚柳，肉質鬆軟得黎，表面個炸粉又唔會太厚，加埋個酸酸甜甜既蜜糖香檸醬，甜而不膩。金銀
呢度茶既種類有好多，另外仲有茶雞尾酒同埋樂茶啤，岩哂中意飲酒既人。我地本身對茶唔多認識，所以等店員介紹左月季白茶，有抗氧化功效，岩哂女仔飲，第一杯會先沖好，之後會畀壺熱水可以自己沖，焗5-10秒就可以飲。
樂茶啤 - Honey Black Tea Brut Ale，用左蜜香紅茶既啤酒，因為茶種本身個蜜香味令到啤酒飲落甘甜順口，好特別。
是日老火湯 - 節瓜花生眉豆湯，好有heart既老火湯，材料十足。
台式馬蹄水餃 🥟
水餃個皮好薄好滑，由於係素食，水餃個餡料都係素食做成，除左馬蹄粒以外，仲有紅蘿蔔絲同黑木耳絲，食落好有咬口，配埋個湯清清地，有d菜同金菇。
藕斷絲連兩款唔同既煮法，其中一款係炸蓮藕條，唔會有好厚既炸粉，保留住蓮藕爽脆既口感，另一款係煎蓮藕片加素肉餅，素肉餅煎得好香口，配埋底部既蓮藕片，口感一流，最後食埋中間個粒甜甜既冰糖葫蘆。
芝士南瓜咕菇咕🧀南瓜粒洋蔥粒加芝士舖滿係磨菇上面，焗完磨菇都唔係太乾，因為有洋蔥粒多左一重口感。
蜜糖香檸柳呢個用左素魚柳，肉質鬆軟得黎，表面個炸粉又唔會太厚，加埋個酸酸甜甜既蜜糖香檸醬，甜而不膩。
金銀滿屋一口南瓜粒加上咸蛋黃，表面咸咸地，內裡係南瓜既甜味，呢個配搭好夾。
最後我地再叫左兩個甜品，黃金龍珠球，炸芝麻湯圓，食落有少少似煎堆，炸完之後好香口。
楊枝甘露，甜甜既芒果粒加埋酸酸地既柚子肉，再配埋個雪糕球，凍冰冰岩哂呢幾日咁熱既天氣食。
整體黎講，呢度既素菜都好高質同款式多，中意飲茶既人，呢度都有好多選擇，價錢合理，好值得encore！
Post
