薈亞廚房 (Closed)

本來諗住全家去飲茶點知等位等左成個鐘都仲未等到餓到頂唔順決定落樓下搵野食2點幾見薈亞唔洗點等位就入去試下有下午茶menu價錢40幾至60幾我叫左星洲喇沙河粉$44份量都ok椰汁味重 少辣但唔係好夠喇沙味屋企人叫左清湯牛腩飯$55個清湯咸到撈飯食都食唔到牛腩完全咬唔開咁既價錢真係寧願去茶餐廳食好過另外都叫左個炒金邊粉味道還好 但嫌啲餸太少得4隻蝦但食落冇咩蝦味飲品叫左龍眼冰飲落都算正常熱奶茶稍嫌唔夠熱埋單仲要加一真係唔算好抵食過一次之後都應該唔會返黎食