景峰美食 (Closed)

午巿供應八搭飯餐，選擇配搭多。可選各式扒類、雞翼、餐肉、雞蛋、火腿、紅腸、牛肉、牛腩…等等（單選及雙併同價），再配上自選醬汁，醬汁可選粟米、鮮茄、黑椒、咖喱。再加上熱飮，售$31，餐飲+$2可轉凍飲/紅豆冰/菠蘿冰。外賣不另收費。一個人的午餐，都幾鍾意揀依間買外賣返公司食，貪其有我最愛嘅粟米汁可選。叫了雞扒餐肉飯配粟米汁+奶茶。店內沒有收銀處，叫外賣的話就要走入鋪跟店員落order+俾$，再在店外等候，並沒有任何單據作識別，遇上人多時有機會比較亂。飯盒內有兩細件雞扒，再加3塊半月形嘅午餐肉，餸嘅份量不少，再加上一小堆的椰菜，為這個全肉類的飯盒添加返一點健康。雞扒厚薄一般，但煎得較乾身，肉質較嚡。而午餐肉則一般貨色，比較軟身，份量雖多，但未能滿足味覺感受。order了多汁，所以粟米汁異常澎湃，但味道較淡，不過用來餸飯還可以。奶茶一般，外賣的話已預先為客人下糖，但對於一向奶茶不下糖的我，就有點太甜。午巿亦有其他蒸肉餅/排骨飯($29)可算，不想吃太多的話，亦有全日供應的八搭麵餐($22)可選。平日11am-2pm 設每人最低消費$22，否則淨飲$10。