金多寶餐廳小廚 (Closed)

金多寶餐廳小廚今日放假冇野做，起身冇耐就落街食個晏先。咁我同朋友行咗去富輝揾下野食。可惜果到既餐廳寥寥可數，咁我地就揀咗金多寶餐廳小廚，食個快飯算！餐廳同普通茶記冇咩分別，面積唔算好大，衛生環景一般。打開餐牌，以茶記黎講，呢到價錢都唔算平，加埋野飲都要60蚊人頭先落到樓。咁我地叫咗兩個飯，一個生炒牛肉飯，一個枝竹蘿蔔牛腩飯，兩個飯連野飲都係61蚊。生炒牛肉飯相當唔錯，炒飯粒粒分明，油唔會過多，碟底完全冇多餘既油份，所以唔會太油膩！料頭方面有牛肉對粒，菜同葱粒。牛肉份量充足，調味方面唔會過咸，幾好食。可惜有啲牛肉炒燶咗，有少少苦味。枝竹蘿蔔手腩飯，枝竹同蘿蔔炆得好入味！雖然調味偏咸，但仍然食得出少少八角既味道。牛腩都算大件，肉味正常。我地加咗兩個例湯，呢個有驚喜！湯好足料，入面有大量瘦肉同蓮藕，好味之作。