金記冰室 (Trend Plaza North Wing) (Closed)

金記冰室近年越開越多分店，而除左食飯之外，金記近期仲好似酒樓咁推出自家嘅月餅，但我見都己經全部沽清啦，想試下佢地嘅月餅就唯有等下年啦。今日幫襯返佢嘅小菜先！$158有兩款小菜，咁我就揀咗XO醬蝦球炒西蘭花，炒得夠入味，唔會煮得太淋，蝦球亦好爽口。韮黃滑蛋炒蝦仁同XO醬蝦球炒西蘭花，用嘅都係大大隻嘅蝦，而蛋今次仲煮得好似上次咁滑，果然keep到水準。另一款跟餐小菜就揀咗粟米魚柳炸得乾身，要浸耐D 粟米汁先得，好彩嘅係粟米汁份量都夠多。無骨海南雞去骨去得好乾淨，就連雞翼都去埋，而味道都唔錯。油飯屬於正常水平，比白飯好DD。