My Cuisine

今日同同事去咗唔係飯堂食lunch，雖然今日係星期一但係都唔係好多人，咁我哋一行六個人就去咗房仔嗰度坐。

佢係一間燒味茶餐廳，有燒味同埋快餐，快餐一般係蒸餸，扒類，湯飯之類。

仲有一啲全日餐，而我就係叫咗全日餐我個山賊汁配厚牛扒。

塊扒睇相都知油淋淋，厚切牛扒如果同大家樂大快活嗰啲相比嘅話真係好咗double。
佢只係一塊普通嘅西冷扒，喺百佳$3，40嘅貨色。

而佢應該用鬆肉粉那過所以塊扒唔係太韌，幾易切。

而塊扒冇咩味，肉質會令你知道係食緊牛扒囉因為係比較結實，冇用調味料醃過，所以冇咩味，扒本身都冇咩牛味。

山賊汁就只係啲加咗蠔油去煮嘅燒汁咁再加啲黑椒汁去煮，好甜，冇咩特別，但係塊扒如果唔點執就冇味所以焗住都要點下。

$58

整體來講茶餐廳食牛扒真係搵命博，都係食返啲正餸或者雞皇飯之類會比較穩陣。