輝香園餐廳 (Closed)

此輝香園絕不同坐落於北帝街嘅輝香園，但水準卻猶有過之...記得有次路過，見到門口寫住各種ABC早餐內容。好奇望吓，見到奄列嘅選擇除咗有火腿之外，仲有鹹牛肉、雞絲等等；麵除咗有沙嗲牛之外，仲有香茅豬扒及雞扒等，响呢區嚟講算係相當有特色...第六感話俾我聽水準應該不俗，食完後覺得果然不錯...奄列煎得不過火，入面仲留有少許蛋汁，已是相當不俗；麵用上出前一丁，淥得不太淰；雞扒雖然唔多覺有香茅味，但卻係即叫即煎，皮脆得啪啪聲，肉亦相當夠味，有驚喜....卒之响呢頭揾到間似樣D嘅茶記嘞....