坐巴士係附近下車，隨意漫步拍照，無意間就走到榮華冰室的門口。
店門不算特別明顯，走心一點可能會錯過左。
入到去，冷氣撲面而來，感覺好舒服。
一張張木枱木櫈， 懷舊風味十足。
一入去就會見到一面照片牆，有一些是名人有一些是年代久遠的生活照。
牆上已經退色的廣告女郎和月歷見證住店舖的歲月。
手寫的價目表，$19一碗麵，$12一杯熱飲，真的不禁懷疑是否時光倒流到10年前了。
腸蛋麵/餐蛋麵(各$19)
一上來飲啖湯食啖麵就有驚喜，佢絕對係我依幾年食過最好味的一丁麵！湯底香濃，麵軟硬恰恰到好處，最開心係d麵無愈食愈淋。蛋煎得剛剛好，蛋黃未全熟，帶有一點流心，蛋邊金黃。腸仔不是現在出面買一包10條廚師腸的死咸。
老公叫的餐蛋麵，餐肉是2片薄切。食的人表示只記得個麵好好食，其他唔記得。
熱奶茶($12)
正常奶茶，飲落幾滑。
凍檸茶($14)
老公好開心同我講有5片檸檬，茶沒有苦澀味。
西多($18)
睇個樣就知正嘢，邊半煎炸到金黃色，沒有夾心，落的是練奶不是糖漿，愈食愈想食。
