MG Cafe

上網見到話呢到係望海景cafe，於是一心歡喜黎，但原來係隔左條馬路先望到觀塘海濱長廊，先望到岀海。

餐廳望落好有去左外國cafe既感覺

餐廳內部樓底夠高，採用落地玻璃透光設計 令人入到黎感覺優雅又舒服。
我地三個人總共叫左三個菜。

蕃紅花黑松露帶子意大利飯

意大利飯外表岀眾，可惜味道平平，偏向淡口，冇一種食材既味道特別突出，而綜合既味道亦唔見得好食。唯一讚既係帶子嫩滑。

1

all  day  breakfast 

呢份all day breakfast已經係全枱最好食既餸，但都只會俾3星半。份量夠大，滑蛋夠滑，滑蛋下仲有茄汁豆，沙律醬係honey mustard，再加石榴，幾爽甜好味。不過個人覺得煎煙肉可以脆口d，依家只係煎左層油岀黎但冇咩口感。

slow  cook  chicken  salad

slow cook chicken salad個沙律汁略酸，同d嫩滑既雞肉係夾既，不過食曬雞肉得返菜時就顯得略酸啦！不過雞肉真係好嫩，雞味亦濃。

honey  lime

呢杯honey lime係由友人品評。據聞飲品帶薑味，青檸味欠奉，蜜糖味都唔覺，只飲到略帶甜味。

總括而言，食飽再黎嗌杯野飲坐下，享受環境，較為合適。