芳華絕代 (Closed)

係界限街嘅街頭，發現呢一座舊樓由地下至3樓翻新左，窗外嘅霓虹光管，書法字體嘅「芳華絕代」，遠遠就吸引着我。第一個感覺有少少似係展覽館，入邊嘅擺設同裝修都係二、三十年前嘅香港，都有少少老上海嘅味道。其實呢度係一間泰式餐廳，今晚我就叫左泰式明爐烏頭魚，就咁聽個名好似好少見。有少少似火鍋嘅感覺，成個鍋連埋明火上枱，個湯底都係酸酸辣辣嘅泰式湯底，烏頭魚新鮮，食落口超級開胃。仲有半個鍋可以叫啲其他配料打邊爐，我就叫多咗一個墨魚滑同埋金邊粉。呢度嘅打邊爐飲食都好抵㗎！餐廳嘅二樓有少少休閒嘅感覺，提供飛鏢機同各類boardgame比顧客享用。除咗食嘢之外，一大班朋友聚會都好適合。