雨花石水餃$72
用左三種蔬菜汁（火龍果、菠菜、南瓜）做成好靚既三色水餃皮，餡係簡單好味既馬蹄豬肉～
招牌五福水餃$78
綠色：素三鮮（唔辣，但好鮮有韭菜蝦仁雞蛋，小朋友會好中意～）
黑色：海三鮮（有蟹柳、元貝、蝦仁，味道少少似龍蝦丸）
紅色：蕃茄牛肉
白色：剁椒魚（辣椒加魚肉，味道唔腥非常正）
黃色：冬菇豬肉
記得點佢既自家製既水餃醬汁，重蒜香味，又辣又酸，十分過癮！
加$20就有既菌菇湯麵🍜，係拉麵底，口感煙韌彈牙，我仲加左佢自家爆香既辣醬😋
雞絲拌粉皮$48
鋪滿左手撕雞，好多切得幼身又爽口既蔬菜，加上芝麻，麻油，辣油，粉皮係底，撈埋一齊真係超豐富好味！
鮮榨淮山露$28
榨碎左好香滑無太大渣感，甜度適中，飲完身心都覺得好健康養生～
自家製酸奶$28
食完辣食酸甜冰凍既酸奶，都算係人生一大樂事😌
