喜鍋 海鮮‧火鍋‧小廚 (Closed)

今日同朋友食飯，天氣開始涼涼地，最啱食打邊爐，去左呢間火鍋店食，朋友話呢間嘅花膠鯊魚骨鍋好正，所以黎試下。火鍋店有二樓，我地上左樓上大枱坐，地方幾寬敞舒適，坐低侍應姐姐就攞左醬油配料俾我地。花膠鯊魚骨膠原湯鍋呢個鍋真係好正，湯已經煮到奶白色，可以即刻飲湯先，花膠有好多件而且大大塊，仲有鯊魚骨、豬手、雞腳，豬手都好好味，成煲湯都係真材實料，勁好飲；加埋泡飯入去，食落脆卜卜幾得意。雪花美國肥牛雪花紋分明，油脂比較平均，牛肉味濃。脆響玲卷食打邊爐必點響玲，淥一淥即刻食得，香脆得黎冇油益味，好食！手打墨魚丸，咬落好彈牙。叫左元貝同鮑魚，兩樣都好鮮甜。自家製竹庶茅根幾好飲，壺入面真係有竹庶、紅蘿蔔、馬蹄。食過咁多間打邊爐，呢間真係幾高質，值得推介！