地點：荃灣眾安街55號大鴻輝(荃灣)中心10樓
今日黎開荃灣拍拖，有人突然話想食放題🫣，早前見人介紹係大鴻輝10樓嘅御滿屋放題，一於試試佢。
我們選擇了組合A.經典雙重奏長腳蟹鮑魚海鮮盛宴 $298（77品）（自選2小時），組合A包含刺身（松葉蟹腳，帶子，三文魚，油甘魚，劍肉腩，北寄貝，象拔蚌等）；海鮮盛宴（杞子花雕醉鮑魚，酸菜魚等）；壽司（池魚皇，白松露鯛魚，三文魚腩等）；燒物，卷物，天婦羅，軍艦手卷等；還有大量熟食（燒羊架，禦品包鮑汁燴花膠，雪花牛肉鍋，紅燒乳鴿王等），食物種類非常多。
除左上述款式外，係門口一入黎還有小食吧，超過十款飲品可以選擇，還有冰鎮海鮮（蝦，青口），前菜（中華沙律，辣味八爪魚，蜆肉等），熱食（小龍蝦，紅腸，豬手等），炸物甜品等；無論係大胃王定係對刺身不太感興趣嘅朋友仔，都總有一款適合你
鑑於食物種類太多，我們重點介紹幾款好了
刺身新鮮大份，肉質清甜，擺盤又靚，打卡一流，可以encore🤤手捲強烈推薦，雖然只得三款，但款款都好正，一口一個，有吞拿魚蓉，海膽及三文魚魚籽，我個人都食左二round👍👍
熟食推薦可以酸菜魚，壽喜燒雪花牛肉煱，鮑汁燴花膠，酸菜魚彈牙量多，超級bb辣，壽喜燒牛肉鍋，牛肉份量多，2-3個人都夠食，鮑汁燴花膠，花膠大塊，軟身易入口🤫🤫
飲品有超過數十款罐裝飲品，有汽水，柑桔水，果汁，荔枝水，烏龍茶，啤酒，還有自助梅酒，清酒及酒吧，還有最重要嘅甜品啦，有自助雪糕機，häagen-dazs，Movenpick同牛奶公司雪榚，同埋抹茶千層蛋糕，泡芙，tiramisu布甸等
總價連加一 $657
