澳門仔火鍋串燒專門店 (Closed)

食火鍋出名的澳門仔火鍋店終於推出任食火鍋啦，今晚叫了老闆推薦的放題C餐，湯底是花膠雞火鍋湯底，啖湯奶白色，好濃郁，但完全沒有加味精，所以我地先飲湯及食了湯內的花膠才再加水打邊爐。二百幾蚊食花膠有點不可思議，起初以為花膠頂多得幾片，估不到，花膠數目起碼都有10片，而且片片都好厚身，食落好滑好鮮甜, 再飲埋個濃郁的花膠湯底，實在好潤好滋補！隻雞都有半隻，份量吾算細，我哋留到最後先至食，估唔到啲雞肉依然仲好有味道。叫呢個放題C餐仲有送八種海鮮拼盤，同安格斯牛，海鮮拼盤嗰啲聖子、蝦、扇貝都係大大隻，放落湯底一齊滾，令個湯底更加鮮甜！安格斯牛，肥瘦好均勻，賣相好靚好吸引，食落都唔會硬。任食單點菜式選擇都有好多種，不過食完以上海鮮、牛肉、雞同花膠已經都幾飽，所以其他火鍋配料只是叫了很少，整體來說都不錯吧。飲品可以任攞，而且選擇都有好多仲，有一啲一渣渣的柚子蜜，同菊花蜜，飯後甜品仲可以有雪糕食，二百幾蚊都算幾超值！