Video
Read full review
2018-08-20
38 views
爆丼丼係荃灣河背街，坐落係非常貼地嘅平民區。唔係見到佢入左6月份好評餐廳十強，真係未必識得黎。見佢價錢又唔貴，而且又有大大碗安格斯牛肉連鵝肝都係一百蚊鬆少少，一於試下好唔好味。---✨非常推薦✨ 安格斯牛肉鵝肝丼（$108）：安格斯牛肉和鵝肝都係小妹至愛。大大一碗，滿滿嘅牛肉，上面仲有兩塊分量級嘅鵝肝，睇到都流曬口水呀。燒過既牛肉好香脆，而且每片都勁大塊，食落去真係啖啖肉唔誇張。鵝肝厚大有分量，再煎耐少少會更香口啦！唯一美中不足嘅係飯唔係珍珠米，呢度令成個丼減左少少分。不過性價比依然超高。---✨非常推薦✨ 原條蒲燒鰻魚丼（$98）：意想不到嘅係「真係原條鰻魚」咁上！鰻魚食落不單有鰻魚獨有嘅味道，而且仲非常爽口，並不像坊間的「軟身」無彈性。好有誠意呀！👍🏻👍🏻👍🏻 而煎蛋亦分量十足，估計有三隻蛋。不過煎蛋過左少少火喉，可以將時間再縮短少少就perfect 啦！配上燒汁，連唔食鰻魚嘅朋友食完都讚口不絕，食左差不多一半呀。---由於同行嘅朋友好鐘意食煎炸食物，所以我地都點了兩款炸物試試。店家所用的油亦很新鮮，絕對不是千年油！因小妹腸胃比較敏感，若食用油質素差會整晚反胃。而爆丼丼的炸物就沒有
爆丼丼係荃灣河背街，坐落係非常貼地嘅平民區。唔係見到佢入左6月份好評餐廳十強，真係未必識得黎。見佢價錢又唔貴，而且又有大大碗安格斯牛肉連鵝肝都係一百蚊鬆少少，一於試下好唔好味。
---
✨非常推薦✨ 安格斯牛肉鵝肝丼（$108）：
安格斯牛肉和鵝肝都係小妹至愛。大大一碗，滿滿嘅牛肉，上面仲有兩塊分量級嘅鵝肝，睇到都流曬口水呀。燒過既牛肉好香脆，而且每片都勁大塊，食落去真係啖啖肉唔誇張。鵝肝厚大有分量，再煎耐少少會更香口啦！唯一美中不足嘅係飯唔係珍珠米，呢度令成個丼減左少少分。不過性價比依然超高。
---
✨非常推薦✨ 原條蒲燒鰻魚丼（$98）：
意想不到嘅係「真係原條鰻魚」咁上！鰻魚食落不單有鰻魚獨有嘅味道，而且仲非常爽口，並不像坊間的「軟身」無彈性。好有誠意呀！👍🏻👍🏻👍🏻 而煎蛋亦分量十足，估計有三隻蛋。不過煎蛋過左少少火喉，可以將時間再縮短少少就perfect 啦！配上燒汁，連唔食鰻魚嘅朋友食完都讚口不絕，食左差不多一半呀。
---
由於同行嘅朋友好鐘意食煎炸食物，所以我地都點了兩款炸物試試。店家所用的油亦很新鮮，絕對不是千年油！因小妹腸胃比較敏感，若食用油質素差會整晚反胃。而爆丼丼的炸物就沒有這問題！
---
✨推薦✨唐揚日本魷魚（$38）：
炸魷魚又真係幾好味，魷魚幾彈牙，炸粉適中，炸嘅時間又岩岩好。價錢錢又抵！不知不覺差唔多俾我食曬🙈🙈🙈
---
日式炸餃子（$28@5隻）：
炸餃子本人無太大研究，淨係覺得好味。由於朋友超愛食炸餃子，佢話仲有進步空間。
---
爆丼丼真係性價比極高既一間良心小店！係依家呢個年代仲邊可能食到咁足分量而食材又好，但價錢又大眾化嘅食店呀。見小妹俾咁多推薦就知啦。小妹果日去又覺得職員都好有禮貌，招呼嘅兩名女職員都好好，怕客人凍仲會主動調冷氣。仲有好多款人氣丼仲未試，一定一定會再食呀。小妹真係誠意推薦爆丼丼！！！
---
Post
