錵の工房 (Closed)

今日去九龍灣返工，同事介紹一間新開嘅咖啡店，聽說味道不錯，做曬嘢決定落去食下午茶，試一試去的真偽。門口有兩個自己畫嘅黑板，畫得好靚，好有心機。入到去門口放滿咗乾花， 本身仲諗緊會唔會去錯地方， 好彩我行多兩步，就見到入面嘅座位， 就知道自己冇去錯。先點了健康沙律， 牛油果有成半個咁多， 加上入面有好多種唔同嘅蔬果組成，另外佢仲用咗黑醋，領到沙律，更加開胃醒神。還點了自家製和牛芝士漢堡， 薯條炸得到曬脆口， 側邊仲有少少沙律菜，至於個漢堡，最欣賞係中間的和牛漢堡，口感一流，充滿牛味。飲品點了青檸薄荷梳打， 青檸味酸酸甜甜，有陣陣薄荷嘅清新，一流。mocha，更是精品，比一般咖啡店更出色。 入口夠曬滑，又香咖啡味。必點嘅一定係咖啡， 下次再嚟過。