大將 (Closed)

依間夠多湯底選擇，見到佢有個新湯底，係芫荽湯底，我係芫荽控當然唔會錯過，就順便食下個「北海道黑毛和牛放題」，90分鐘時間好充裕，兩個人食咗22碟肉好滿足，仲可以自己整窩夫。芫荽醬油湯底，味道咸甜、清香。日本北海道黑毛和牛，油脂分布均丹，牛味濃厚。山原島阿古豬五花，肉質肥瘦相間，油香味濃。特選雞腿肉，肉質嫩滑，雞味濃郁。大將炒飯，食落好足料，包括有蟹籽、紅蘿蔔、香蔥、雞蛋、紫菜。炸雞，口感酥脆，味道香辣。雞蛋卷，口感厚身。煎薄餅，內有大量香蔥、飯粒，類似香煎米餅。蜜糖紫薯，口感綿密，味道清甜。拌菜，材料豐富，食落好惹味。醬油蘿蔔，口感爽脆，味道咸辣。紅豆湯，紅豆口感起沙，味道香甜。朱古力綠茶口味雪糕，口感細滑，入口即化。瑪德蓮蛋糕、芝士蛋糕、朱古力慕絲蛋糕、草莓慕絲蛋糕，甜度適中。原味綠茶口味窩夫，口感外香脆內鬆軟，食落充滿蛋香。