怒茶巷 (Closed)

今日同朋友仔去葵涌廣場行街街，好耐無黎喇，耐到d鋪頭都好似唔同哂樣。小食店飲品店愈開愈多，今次又可以試吓新嘢。每次行葵廣行到渴渴地都會買返杯台式飲品嘆一嘆。由於三樓實在太多人，今次特登兜咗個圈，入咗條叫摩登世界嘅小巷，見到呢間怒茶巷個名幾有型，就試吓呢間啦！💛紅柚四季春💛要咗少冰少甜，𥚃面有好多紅柚果肉，酸酸地，配上四季春，非常清新！💛芝士炭焙烏龍茶💛個人比較喜歡呢杯。呢個烏龍茶底茶味香濃，上面一層厚厚嘅芝士好creamy，好濃郁。呷一口芝士，再飲啖茶，超正！